يـا راكب الهِجِـن خلّـي الهجـن سيّـارة

قَلبـي مـع الـزيـن وِمْعَلّـقِ بسنـّـارة

يـا حِلَوهْ ما انتي على العادةَ ولا القانـون

زادِك مَحّـرمْ وخَطمـاتك عليـنا ضنـون

يـا حلـو كنّك ورا مطـلع نجم سهيـل

لَطَلّق النـوم واركبْ لـك شديدِ الخيـل

يـا حلـو غضّة عيونـك قَشّرت نخلـي

لـو طـالِ هجرك علي من البلد لَخْلـي

يـا حلـو يـا زين يللّـي انت بقيتِ النـا

واليـومِ يـا شيـن مـا تيجـي مَنازلنـا

يـا حلـو يـا زين يللّي احنا بقينـا لـك

واليـومِ يـا شيـن ما نيجي على بالـك

يـا بـو بارودة علـى طولـك وترويسـة

والـليِ يريـدِ الرفـقِ يحُـطَّ مِـنْ كيسـه

يـا حلـو يـا زيـن انا بَمشي معاك واجـب

يـا حِلـو يـا مرخرخ القُذلـة على الحاجب

عَليـوم يـا زيـن لَـو آهلـكِ يبيعونـَك

لَشْريـك بـالمالِ حتى الـرّوحِ مِنْ دونك

بـالمـالِ لَشْريكْ بسّ ِإن هـاوِدتِني فيـك

والعينِ ترعيـك والقـلب المشوم هاويـك

يـا عين حِـفّي الأَثر دوبِ اثر دوبـَـهْ

والـّلي رَمـاهُ الوَعـد يصَبر ع مكـتوبَهْ

والصَّبـر يـا عيـِنَ رد الدمع جُـوا الراسِ

والصَّبـر ومْنيـن والغالـي آخذوه النـاسِ

يـا ناس يـا ناس جيـران الهنـا شالـوا

قَطعـوا لموْيلـح ومن روس الشفا مالـوا

يـا ناس يالـلي مَشاِرعكُم على الدربـينْ

في خاطـري تُـمُرقـوا واشوفِكَمْ بالعيـن

في خاطـري بَسّ أكلمّكـم ثلاث كِلْمـات

تِنتيـنِ منهـم عَتـَبْ والثالثـة سلامـات

قـالـوا سلامـات قلـت الله يِسَلَّمْكُــمْ

يللّي مضَـى العمُـر مـا جاني عَتبْ مِنكْم

لا بـد مـا تنـدمـوا يللّي جفيـتونــا

تِبكـو وتهيلـو الدمـع يـومٍ تشوفونــا

مـن يـوم غبتـوَ وانـا اَحسب لـياليكـم

لا خَـبَر مكتـوب ولا مرسـِال جايـيكـم

شَـدّوا علـى هَجِنْهُـم شَدّوا على النـاقـة

كِـنْ جيـتِ اودّع ولا لـِي عـالوداعِِ طاقه

عـاليومِ لَـو اِنّ الَوَرقْ يمشـي بـَلا نَجّـابْ

لاكتـُبْ مَكاتيب واَرسلهـمْ بهّـرجِْ عتـاب

لاكتـبْ مكاتيب وارسلهـن حروف حروف

الله يخـزى الـردى مـا يحفـظِ المعـروف

لاكتـب مكاتيـب وارسلهن مـع السّاعـي

لَلِمْصاحب الـلي جَفـاني وكَـََّثرِ اَوجاعـي

لاكتـب مكاتيـبْ وارْسلْهـن معاك يـا طير

لـلصّاحبِ الـلي جَفـاني واحتضَنْ بـِالغـير

يـاكاتـب الـَوَرقْـة طّـرز حَواشيهـا

سَلّـم عَلَـَى البلـد الـلي حْبابِنا فيهـا

سلّـم علـى حُبّنـا يللّـي مــروح داره

سلـم عليـه بـالـوَمى لَيِسْمعَك جـارهْ

سلّـم علـى حُبنّـا يللّـي تـِروح بيتــهْ

سلّـم عليـه بـالـومى لَتِسْمعَـك خَيْتـهْ

وارْسلـتْ لـَكْ دمـع عيني في غَطاةِ نْحـاسِ

نِصْفُـهْ محبَـَّّهْ ونِصْفُـه مِـنْ كـلامِ النـاسِ

وارسلـتْ لـَك دَمِـعْ عيني في غَطـاة بـْريق

نِصفُـهْ محبّـهْ ونصفُـه مـن نَشـاف الـّريقِ

يـا مَـْركَـبْ فـي البـحر رابطْ على ا المينـا 

حَمّـل سلامـات لـلّي اِلْهُـمْ عَشَـمْ فينــا

فـي خـاطـري دار وابنيهـا قريبـة الْكُـم

واسّرح المـال واملأ مُهْـجـتي مِنْـكُـم

عَليـوم لََـو انّ الََـوْطـن ينشالِ فـوقِ جْمال

لَرْحَل وآجي عِنِْدكُمْ يـا هاديينِ البـال

عَلْيــومِ عليـوم لو اِنّ الـرّفَـقْ يـِـدوم

لا قـيمِ رايـاتْ واَبـني علـى الطريقْ رسوم

عَليــوم عليـومِ لو انّ الَمْيّت يعــود

لَكَربل الَرّمـل واطِلـعْ صاحِبي مـن الدود

لاروح لـلقبـر واتْمَــنى واقـفْ طـاعـةْ

مِـنِ العـامِ لَلْعْـامِ بَسّ اَشوفْـهـم ساعَـةْ

يـا حَسِرْتي كـل مـا هبّت ريـاحِ الصّيـفَْ

بعـدِ الرّفَـقْ والمحبة صرت اجيكـم ضِيـفِ

يـا حيـرتـي كـل مـا قُلنا البلاوي تِهـون

وتـهـبّ نـار المحبـة والحَطَـبْ زيـتـونْ

يـا حيـرتي الـزيـنِ حمّل والضعـن شَمَّلْ

يـا دمَـعْ عيـني تمنتعشـر جمـل حَمّلْ 

يـا حيـرتـي كـل مـا تيجـو على بالـي

بتعزّ نفسـي واَصيـر اَبـكي علـى حالـي

يـا حبابنـا لـن نويتوا وارحلـوا في الليـل

لا ترحلـوش الضـحى تبكـي عليكو العيـن

الله يسـهـل عليـكـم طـالعيـن جبـال

ويـردكم بـالسـلامـة وهـاديـين البـال

وكـم مـن نخلـةٍ بـلا سلّـم طـلعنـاهـا

وكـم مـن زلــةٍ وللصحـاب سمحنــاها

يــا صاحـبي لا تـِواخذنــي زلاّتــي

زلّ القلـم بـالـورق ويـش حـالِ زلاتـي

يـا صـاحـبي لا تـراني لا تـرى حـالـي

يـا فاتـِنّي مـن غيـاري صـار خـلخالـي

ظليـت اداريـك واحـطّ البـلـح فيـدَك

عليـش يـا شيـن تبغضـني وانـا اريـدك

عليـش يا امْسَبّل عيـونـك بغـيرِ نعـاس

والرمـل مـا ينعجـن والشـوك مـا ينداس

والسـرّ مــا ينطلـع علـى جميـع النـاس

يــابـو عيـون مـن الغـزلانِ سارقـهـا

حـواجـب خـط القلـم سبحـان خالقهـا

يــا غــزلان البــراري لا يعـيدونـك

واصحـن تطيـح السهـل وتسبـل عيونـك

وحلمـت يـا زيـن انـك في المنام عنـدي

واحـلا مـن الثمـر وانعـم من حرير هندي

وِحْلمـت انـك عَلـى جَنـْبي وِغطّيـتـك

والحِلـم كذّاب مـا شُفتـك ولا اريـتـك

حـسّ اكحـلِ العيـن نايـِم عنـد جيرانـُه

نسمــع حـديثـه ونِتْقَلّى بنـيرانــه

يـا حلـو يـا اللـي بياضك مثل قشر البيض

يـا هَـدب عينـك يظلّك في ليـالي القيض

واطلـع مـن البيت يـا عـودِ القنا الدانـي

والوجـه قنديـل والقذلـة ذهـب صـافـي

لـو كومـوا لـي الذهـب لاختاركم عنـه

والمـال يغـني وانتـو ابـقـى لنـا منــه

صـفّ الذهـب صـف عـالقذلة وانا شوفك

يـا ذابـح الناس فـي حسنـك ومعروفـك

طـولـَكْ قصـب مـص منبوتـك على مية

ملفـوف لـف السيجـارة وارفـع شويـة

والطـول طـول القنـا والعنـق مايـل ميل

والخصـر مـن رقّتـه هـدّ القُوى والحيـل

واطلعـت بـاعلـى الجبـل كل البلاد بانت

اطّلعت علـى الحبـايـب دمعتـي سالـت

طلـيت مـن غـور طل الغفـر من غـادى

وتـْعـّد بينـي وبيـنِ الغَفَـر ميعـــادي

ياما احلى هـوا بـلادكـم ما احلى المعرّش فيه

لـولا هَـوا بنتكـم مـا جيـت اَقيـّل فيه

وانـتـو تِعـزّوا الـرفـق ولاّ تـهينـونـه

واِحـنا نـعـزّ الـرفـق والـروح من دونه

وان كـان بـّدك تعـاتب وسّـع الميـدان

والـوعـد بيـني وبينـك طلعـت الميـزان

وان كـان بـّدك بنـات البيـض يهْـوينـك

جـرّ المنـاسف وهي اللبنّ مـن كمـك

جـر الفـدان جـرّ يـابـو عيـون مكحولة

وكـم مـن مكحـول ياخـذ كل مكحولـة

جـر الفـدان يـا بنـت عالمورد جـري

لاجلـك سقينا العدا الحْنظـل المُـرّى

وان قــدّر اللـه وخـلّتـنـا منـايـــانا

والحنظل المـرلَنِسقيـِـه لاعــدانــا

وان قـدر اللـه وخـلتنـا الليـالـي السّـود

لتصحن القـوم صحـن الكحـل للبـرود

وان قـدر اللـه وطـال العمـر يـا صبيـان

والحنظــل المـّرلنسـقيـه لـلقبحــان

واحنـا شبـاب البـلـد واحنـا كباريـهـا

وان عجعـج الكحـل فـي البـارود نحميهـا

واحنـا شباب العـرب والشيـخ مرعـانـا

والـفـارعـة صيفِنـا والـغـور مَشتـانـا

وان أوجــه الحـرب لَنعـقـر طـوقينــا

والـلـي يـريـد ينــزل وِيـْلاقينــا

واحــا الغَطـارفِ ومنـزلْنا علـى طـارف

مـا ينـزل الـوسط غيـر النـذل والخايف

لا تضـربـونـي علـى قلبـي تَعِلّـونــي

ولا تحسبـونـي سَبَـلْ مـرمـي تِلموّني

مـرشوشـة بـالعطـر يـا دار الافــراح

مـرشوشـة بـالعطـر والمسـك فـــواح

يـا بركـة اسـدود مـا مـروا عليـك بنود

مـروا علـي الأمـارة سـلاحهـم بـارود

وان أوجـه الحـربِ بْنعَنقـر شـواربنـــا

والـلـي يـريـد الحـرب ينـزل يحاربنـا

يـا بنـت الاكـرام يللـي خاطـرك فينــا

طلـي مـن الـروشـن العالـي ونـاغينـا

يـا بنـت طلّـي علينـا مـن الحظيـر والْفي

يـا بنـت يـللي علـى لـون الـورد شفتك

وِاخَضـرّ عشـب البـراري يـومِ خَطْبتـِك

يـا بنـت عـدي خطـاك اللـي مشيتيهـا

عجـاج صرمايتـك هللّـي لبستـيـهــا

دوا لعيـني ولـو طــاح الرّمـد فيهــا

يـا بنـت شيـخ العـرب فكـي المحابيـس

وابـوك راح علـى مصـر يجلـب طـرابيش

يـا بنـت شيخ العرب يـا ام العبـاهْ السودة

وابـوك شيخ العرب يحكـم علـى العوجـا

لـو كوّمولي الـذهـب لاختاركـم عنـه

والمـال يغـني وانـتو ابقـى لنــا منــه

يـا تاجـر البـن بـدي رطـل مـن بُنّـك

وامبـارح العصـر شُفت اللي اشترى منـك

وامبـارح العصـر شفـت اللي على المنطـار

يـا لابسـاتِ لِغـدافِ فـوق الصراريحـي

قلبـي مسكـر واللـي معكـن مفـاتيحـي

اللـه يجازيـك يــا قلـبـي وِمِستـاهـل

يـلـي شبكـت المحبـة مـع بنـات النـاس

اللـه يسهـل عليكـم طـالعيـن جبــال

ويـردكم بـالسلامـة وهاديـيـن البــال

يـا نجمـةِ الصبح لوحـي بـالَعجَلْ لوحـي

يللّـي الحريـر شُوكَـكْ ويش حالِ ملبوسـك

وايش طوعـك يـا حلـو للنـذل تَيْبوسك

يـا حلـو يـا زيـن تْتعثَرْ وانـا اَلِمـّكْ

يـا طلـق ريحـان كـل النـاس بتشمــك

زرعـت لـك وَسَطْ فلـه سِمسمـة خضـرة

قلبـي طمس بـالمحبـة وانـت مـا تـِـدرا

يـا وارد البيـر دونـك دلونــا دربــك

قلبـي يحبـك واهلـي مـا يـريـدونــك

يـا وارد البيــر واسقينــي بِحَفْنـاتــك

مـا هـي حَّجةْ عَطَش بـِدّي مِحـاكـاتـك

يـا مَيّـةْ فـي قَـرِار الــوادِ ما احـلاهــا

يـا زيـن هـات قِرِْبتَـك ريضى وانا املاهـا

دربـك بعيـدة وابـلادك شْحيـح مـاهـا

نـازل علـى العيـن حـامـِل جّرتـهْ يَملّـي

شوفُـه يزيـلِ التعـب وِالـهـرِج بيَسلـي

خذلـك كـلام زيـن واعطينـي كلام زيّـه

يللّـي كلامـك عسـل والسمـن فوقيـّـه

اللـه يسّلـم لسانـك يسعـدك مولاك

سيفـي وسيفـك سَوا على كُـلّ من سَبّـك

اللـه يسلـم لسانــك يسعـد كمـولاك

سيفـي وسيفـك سـوا على كـل من عاداك

يـا حامِـل السيـف ردّ السيـف للشــدّة

يِْسلـم يمينـك وردّ السيـفِ الى غمده